Castiñeiro, dame castañas.

Os nenos da clase de 5 anos somos moi curiosos, e un día preguntámonos canto poden medir as árbores; polo que comezamos unha mini investigación ao redor das árbores da nosa contorna. O primeiro que investigamos foi O CASTIÑEIRO. Así, analizamos a árbore, que se enche de ourizos e ao chegar o outono estes caen, ábrense e dan lugar ao froito, as castañas! Aprendemos que cada ourizo pode dar entre dúas e tres castañas, e ademais se se collen con moito coidado non pinchan! Buscamos na internet canto poden chegar a medir os castiñeiros, e descubrimos que poden chegar ata 35 metros de altura.Ademáis analizamos as súas follas, e as empregamos para facer moitas actividades! Aquí nos vedes traballando na ficha de recollida de información!

A investigación sobre o castiñeiro levounos a pensar en como nacen, e por iso decidimos plantar o seu froito para ver se podía xerminar unha nova árbore. Mirade como fixemos todo o proceso! En primeiro lugar comprobamos cales son as castañas boas para plantar, botámolas nun recipiente con auga e as que van ao findo son boas e as que flotan descartámolas.

Despois collemos as castañas boas e metemolas nun vaso entre algodóns humedecidos.

Reservámolas durante un tempo para que xerminen...

Un mes despois do experimento voltamos a ver como van as nosas castañas, algunha xa xerminou!! Pero a outras aínda lles queda un pouquiño así que regamos para que sigan medrando!